1.Angele nggurit
Dening: Nurbadi dwija jawa
Wis makaping kaping aku nggurit
ning tansah cuthel,punggel
driji iki wis gumregah nggegem kalam
nala,pikir,lan netra ora nyawiji, bubar
Nalika gurit wis karipta
makaping kaping kakitir ing kalawarti basa jawi
ning tansah cuwa ing manah amerga katulak
judheg
Ah, angele nggurit
isih gampang nyerat warta
isih gampang nyerat crita
Muga gurit iki
bisa nambani ati
kang kepingin nguri uri sastra jawi
bisa kapampang ing kalawarti kesayangan iki
penggurit penggurit kang wus kasusra
tulung ajari akuu
karya satra paduka tansah kawaca
Kang kaserat ing kalawarti panjebar semangat
Posting Komentar