Kabar Saka Blora
Dening: Totok Yasmin
Tlatah cengkar iki wis klakon
mbabar carita
ceitane wong angon maesa
nyengkelit suling nembang lagon duhkita
lemah bengkah kepangan mangsa ketiga dawa
tlatah iki wis klakon
nggelar carita
critane paman tani nandur gaga
ulur jagung
lan uthut pari
tlatah iki uga rinengga
langen tayub lan singa barong
sarta crita kentrung kang kacicir
lan wayang krucil sing saya adoh kapencil
(iki kabeh njurung pangripta medhar gagasan
Ngudhal imaji banjur kasuntak dadi cathetan
Ngrenggani taman geguritan )
Sliramu uga bisa mesem
Ngulat bindhile godhong-godhong jati
Wiwit semi
Sliramu saiki katon sumringah
Nyawang ilining kali lusi
Sing sauntara dinakaterjang ketiga dawa
(nadyan tiningal mitrapangripta lunga ngulandara ing kene isih ana sabrendhil panggantha)
Mitra,
Pulung mustika wis tumiba
Tumapak ing tepis wiring tlatah
Tumunjem tajem ngener paraning sedya
Posting Komentar