Stasiun
Dening: triman laksana
Iki dina.dudu kang kepungkur
saben-saben dak sawang
bareng karo ambruke wektu
iki dina. Wis kasil natoni jangkah
kudu nahan rasa, nahan rumangsa
nalika bakal teka pungkasan
ngungak hawa seger,hawa bebas
sanajan ana kahanan kang rekasa
bakal dakprangguli. Ana sajabane dina-dina
nanging dudu dina iki
wis saben dina ing kamar iki
dadi ukuran ana pojok-pojokane
kanthi rasa salah. Kanthi rasa salah
ing sajroning urip, lan ngaurip
sanajan arep daktinggal
kamangka dudu dina becik
nanging tetep arep dakdohi
ana ruwangan kiyi
aku manungsa kang isih ana
sing bisa ditata ana raga,ana rasa
yaiku sing arane marani patembaya
kudu diplayoni nalika katinggal
dina iki. Dudu dina sesuk
sing tansah endah lan becik
tetep kudu dakrangkul
kanggo unjal anbegan. Njangkah rangkah
Posting Komentar